الدعم
صلّحلي يربطك بفنيين موثوقين (كهرباء، سباكة، تبريد، صبغ وغيرها). إذا عندك أي مشكلة بطلب أو بحسابك، احنا هنا.
أسئلة شائعة
شلون أطلب فني؟
افتح التطبيق، اختار الخدمة أو اكتب شنو تحتاج، وحدد منطقتك والوقت. الفنيين يرسلولك عروض أسعار، وتختار الأنسب. ما تدفع شي قبل الاختيار.
الفني طلب سعر أكثر بعد الفحص، شسوي؟
الفني يكدر يقترح سعر جديد مرة وحدة مع السبب، وأنت تقرر توافق أو لا. إذا رفضت يتلغى الطلب، وتدفع كشفية بس إذا الفني كاتبها بعرضه قبل ما تختاره.
عندي مشكلة وية فني (تأخير، شغل مو زين، سلوك)
من صفحة الطلب اضغط «الإبلاغ عن مشكلة». الإدارة تراجع وتتواصل وياك. إذا الدفع إلكتروني، المبلغ يبقى محجوز لحد ما تنحل المشكلة.
شلون أبلّغ عن رسالة أو تقييم مسيء؟
بالدردشة: اضغط على الرسالة ← «إبلاغ عن الرسالة». بالتقييمات: اضغط «🚩 إبلاغ». نراجع كل بلاغ خلال 24 ساعة ونحذف المحتوى المخالف ونوقف حساب صاحبه.
شلون أحظر شخص؟
بالدردشة اضغط «⋯» فوق ← «حظر». بعدها ما تشوف رسائله وعروضه وما يكدر يراسلك. تلغي الحظر من «حسابي» ← «المحظورون».
شلون أحذف حسابي؟
من التطبيق: «حسابي» ← «حذف حسابي» ← «نعم، احذف حسابي نهائياً». ينمسح اسمك ورقمك ورسائلك ومواقعك وتقييماتك فوراً. إذا ما تكدر تدخل للتطبيق، راسلنا من رقمك المسجّل ونحذفه إلك. التفاصيل بـ سياسة الخصوصية.
ما وصلني رمز الدخول
تأكد إن الرقم عراقي ويبدي بـ 07، وانتظر 30 ثانية قبل إعادة الإرسال. إذا بعده ما وصل، تواصل ويانا.